Grafisk profil

Kulturtanken har stor spennvidd. Etaten skal kommunisere fridommen og lekenheten som finst i kunst- og kulturutrykk for barn og unge, og samtidig understreke betydninga av samfunnsoppdraget med tyngd og seriøsitet. Bruken av dei ulike elementa og fargane kan varierast for å tilpasse etterlate inntrykk, avhengig av flate og formål.

Den kulturelle skulesekken (DKS) har eigen grafisk profil, basert på same uttrykk.

Kulturtankens logo

Kulturtankens logo finst på bokmål, nynorsk, samisk og engelsk. Logoen har to ulike namnetrekk (med og utan «Den kulturelle skulesekken Noreg»), og kvart namnetrekk har ståande og liggjande variantar i grønt, svart og kvitt. Logoen kan unntaksvis òg nyttast i andre fargar innanfor Kulturtankens palettar, i samspel med omkringliggjande design.

Logoikonet er felles for Kulturtanken og DKS, og er bygd opp på det gylne snittet. Dette kan brukast som profilbilete i sosiale medium, eller som eit «kvalitetsstempel» på flater der namnetrekket ikkje må inkluderast.

Typografi

Kulturtanken har ein hovudfont for trykte flater og nettsider, ein støttefont som kan nyttast til overskrifter og annan utheva tekst, og ein systemfont (som finst som standard i dei fleste tekstverktøy) for Office-dokument.

Hovudfont
Merriweather Sans blir brukt til alt trykt materiale, som rapportar, brosjyrar og plakatar, og til nettsider. Fonten er tilgjengeleg for nedlasting frå Google Fonts, og kan nyttast fritt.

Støttefont
Merriweather er ein seriff-font i same familie som Merriweather Sans. Støttefonten kan brukast til alt trykt materiale og til nettsider, men berre til overskrifter og annan utheva tekst. Fonten er tilgjengeleg for nedlasting frå Google Fonts, og kan nyttast fritt.

Systemfont
Calibri blir brukt i alle Office-dokument og -presentasjonar, og andre stader der det er unaturleg eller komplisert å bruke profilfonten. Fonten er tilgjengeleg som standard i alle Office-program, som Word og PowerPoint.

Fargar

Kulturtanken har eit breitt utval profilfargar, som skal nyttast systematisk i kombinasjon med kvarandre. Val av fargar blir gjort basert på ønskt uttrykk, flate og formål, samtidig som fargebruk og kontrastar må oppfylle krav om universell utforming.

Det er fire hovudpalettar med fargekombinasjonar som alltid skal prioriterast i generelt materiell, men unntaksvis kan andre kombinasjonar nyttast. I hovudsak blir mørk bakgrunn (med lys tekst) prioritert, men lys bakgrunn blir brukt når det er mest formålstenleg. I meir omfangsrikt materiell er det ideelt å variere mellom mørk og lys bakgrunn. Fargane kan brukast i ulik mettingsgrad basert på opacity: 80% - 50% - 20%, og dei kan alltid brukast i kombinasjon med svart og kvit.

Sjå døme under Trykte flater og Digitale flater.

Grøn palett

Raud-oransje palett

Blå palett

Lilla palett

Andre fargar

Ikon og grafiske former

Det er teikna seks ikon som representerer dei ulike kunst- og kulturuttrykka i DKS: kulturarv, film, visuell kunst, litteratur, musikk og scenekunst. Ikona kan brukast for å forsterke kva for eit av områda som blir kommuniserte, og kan også brukast samla for å vise breidda av uttrykk. Ikona finst i grøn, svart og kvit variant, og som farga sirkelikon, der kvart uttrykk har fått tildelt ein eigen farge frå profilfargane:

Logo og ikon er brote opp og sett saman på nytt i ulike grafiske former for å kunne skape eit kreativt og leikent uttrykk tilpassa bodskapen. Sirkel, firkant og trekant er grunnformer som kan nyttast, anten som bakgrunn for tekst eller i eit frittståande, systematisk mønster. Sjå døme under Trykte flater og Digitale flater.

Foto

Kulturtanken har eit rikt biletarkiv som dekkjer mange uttrykk og behov. I designet er det lagt opp til stor variasjon av både bilete og illustrasjonar. Vi bruker ofte bilete med mykje glede, energi og engasjement, gjerne i fargar som harmonerer med fargepaletten. Særleg barn og unges møte med kunst og kultur, og utøvarar som brenn for det dei driv med, er tema som går igjen.

Fra visningen av «Fire fugler» på Marked for Musikk 2024. Foto: Erik Brandsborg/Kulturtanken

Fra DKS-produksjonen «Hått sa'ru – en musikalsk forestilling om dialektbruk». Foto: Erik Brandsborg/Kulturtanken

Installasjonen under Marked for Musikk 2023.

Bileta i arkivet DKS-illustrasjonsbilete kan nyttast vederlagsfritt av DKS-administrasjonar til nettsider og anna informasjonsmateriell om DKS, fortrinnsvis med kreditering. Ta kontakt med Kulturtankens kommunikasjonseining for annan type bruk, eller viss du ser etter spesifikke bilete eller tema.

Trykte flater

For trykt materiell kan grafiske former, fargar og foto kombinerast på ulike måtar. Foto blir gjerne brukt som eit stort, heildekkjande element. For å strukturere innhaldet og forsterke den visuelle identiteten blir grafiske former nytta. Det er som regel ideelt å nytte ein av hovudpalettane i samspel med bilete og/eller grafiske former.

Digitale flater

Prinsippa frå trykte flater blir også implementerte i Kulturtankens digitale flater, som nettsider, sosiale medium, nyheitsbrev, annonsering og Powerpoint-presentasjonar. Ulike kanalar krev ulik tilpassing, men logobruk, typografi, fargar og former bidreg til ein gjennomgåande identitet.

Powerpoint og Teams

Har du spørsmål om den grafiske profilen?
Ta gjerne kontakt med kommunikasjonseininga i Kulturtanken.