Pilohtaruhta viiddit girjáivuhtii ja searvadahttimii eaktodáhtolaš kultureallimii

Ráđđehus lea almmuhan golmma jahkái čavges veahki girjáivuhtui ja searvadahttimii eaktodáhtolašvuhtii kultuvrras. Ulbmilin dáinna čavgemiin lea ahte eambbo mánát ja nuorat besset oassálastit báikkálaš kulturdoaimmaide girjáivuođas.

Geahča čilgejumi čavgen ja ráđđehusa doaibmaplána. Buohkat mielde!

Bajit dási ulbmilmihttun lea lasihit girjáivuođa kultureallimia ja háhkat eambbo vejolašvuođaid mánáid ja nuoraid oassálastimii.

Kulturdoaimmat fertejit leat mánáide ja nuoraide, gaskal 0 – 26 jagi ja fátmasteaddji doaimmat mat čatnásit sosioekonomalaš hástalusat, funkšuvdnaveahtu, kultuvrralaš identitehta ja/dahje sohkabealidentitehta.

Dán vuoru sáhttá ohcat beare jahkái doarjaga.

Jus Stuoradiggi juolluda de almmuhuvvo ruhtadoarjja maiddái 2025s, ja doaimmat mat ožžot doarjaga 2024s sáhttet maid ohcat ovddidit dan seammá prošeavtta.

Dán ohcamis vuoruhuvvojit stuora prošeavttat, main lea ulbmilin juohkit máhtu ja buriid vásahusaid, fierpmádathuksen ja modealla- ja vuohkeovddideapmi.

Ulbmilin ferte leat veahkehit kultureallima ovddidit doaimmaid mat rahpet buriid aktivitehtaid dakkár joavkkuide geat leat unnit logus odne.

Mii ávžžuhit earenoamážit goavdeorganisašuvnnaid ja hárjánan girjáivuođa aktevrraid ohcat ruhtadit doaimmaid mas sin gelbbolašvuohta sáhttá fievrreduvvot viidáseabbut, háhkat fierpmádaga ja váikkuhit struktuvrralaš rievdadusaide.

Ovdamearkkat váikkuhusaide

• Ovddiđit resursaid fátmasteaddji práksisaid mat sáhttet geavahuvvot eará aktevrrain, ovdamearkka dihte bagádalliid, njuolggádusaid, proseassagovvadusaid ja rabas kurssaid.
• Jođihanovdáneami mii čatnasa girjáivuhtii ja fátmasteapmái servviide mat bargat dáidagiin ja kulturdoaimmaiguin mánáide ja nuoraide, ja maid mánát ja nuorat iežat doaimmahit.
• Máhttohuksen ja modeallaovddideapmi universála hápmemiin doaimmain, vai buorit báikkálaš kulturdoaimmat rahpasit eanet mánáide ja nuoraide geain leat doaimma hehttehusat[1].    
• Regionála deaivvadeamit main lea fuomášupmi vásáhusfievrrideapmái, máhttohuksemii ja dárbbuide suorggis.

Bálkáruđat čatnásit čađaheapmái prošeavttaide mat sáhttet gokčat 50% rádjái ohcansupmis. Plána máksojuvvon bargguide fertejit leat prošeaktačilgehusas. Ordineara hálddáhusgolut ja jođihanolggosgolut eai gokžo.

Oaivádan ohcamušsubmi: 400.000 ruvnnos 700.000 ruvnno rádjái.

Gii sáhttá ohcat   

• ​Eaktodáhtolaš searvvit mat leat registrerejuvvon  Frivillighetsregisteret.    
• Suohkanat, filksuohkanat ja suohkanlaš doaimmat.

Ovttaolbmofitnodat, priváhtaolmmoš ja kommersiála doaimmat eai sáhte leat ohccin, muhto sáhttet muhtun áššiin dahkat ovttasbarggu doaimmaid ektui. Ovttasbargu sáhttá leat aktevrrat main lea iešguđet lágan ulbmilat, gaskal ámmátlaččaid ja eaktodáhtolaččaid, dahje sáhttet leat rastásurggiid ovttasbargu.

Dát vuoruhuvvo

• Doaimmat mat addet bistevaš gelbbolašvuođaloktema eaktodáhtolaš kultureallimis, ja viiddis oassalastima maiddái maŋŋel og prošeaktaáigodaga.
• Doaimmat mas vásahusjuohkin ja fierpmádathuksen lea guovddážis.
• Doaimmat mat ovddiđit váikkuheami ulbmiljoavkkuin hápmet ja jođihit doaimma.
• Doaimmat mat movttiidahttet ovttasbarggu gaskal aktevrraid.
• Doaimmat maid lea fievrridanárvu eará báikkiide, joavkkuide ja/dahje kulturvradoaimmaide.

Gáibádusat prošeaktačilgehussii

• Ulbmiljoavku doibmii masa doarjja ohccojuvvo.
• Čilgehus doaimmas masa ohcco doarjja, deadduheapmi vásáhusaide iežas servvis ja dáhttu doaimma ulbmiliin.
• Ulbmiljoavku/Ulbmiljoavkkut searvadahttindoaimmaide/kulturdoibmii/kulturdoaimmaide čilgehusain mot fátmástit ulbmiljoavkku/ulbmiljoavkkuid buorebut.
• Bienalaš bušeahtta.
• Áigeplána.

Kulturtanken áigu meannudeames ohcamušaiguin maiddái vearditit

• Geográfalaš viidodaga fátmmastanguovllus.
• Variašuvdna / viidodat kulturhámiin.
• Variašuvdna / viidodat ulbmiljoavkkus searvadahttindoaimmas.
• Fievrridanárvu, čoahkkaneapmi ja máhttojuohkin.

Kulturtanken vuordá vuosttáiváldit eambbo ohcamušaid og ruhta lea. Dat mearkkaša ahte Kulturtanken ferte bidjat vuoruhemiid og veardida ohcamušaid, mii mielddisbuktá ahte maiddái buorit ohcamušat hilgojuvvojit.

Raporta čállin

Sii geat ožžot doarjaga prošeavttaide dán ohcan áigodagas, galget sáddet maŋemusat 31.juovlamánu 2025 raporta ja rehketdoalu. Raporta galgá maiddái gaskkustit sisdoalu ja bohtosa prošeavttas, dakkár vugiin maid sáhttá juohkit.

Eambbo dieđut raporta čállimii bohtet lohpádusreivves.

Geavat Kulturtankens tilskuddsportal sáddet ohcamuša. Ohcanskovvi lea hedi rabas.

Ohcanáigemearri: 21.golggotmánnu 2024 diibmu 12:00

Sáhttá vuordit vástádusa loahpageahčen skábmamánu.

Jus leat jearaldagat ortnega ja ohcamuša ektui, váldde oktavuođa: post@kulturtanken.no

---

[1] Ásodat rievdadusat lea suohkanlaš ovddasvástádus, ja dat ii lihto dán ortnegii