Fekk råd frå barna på Miniøya

- Ideen kom faktisk då vi i fjor besøkte Miniøya, og tenkte at vi må jo ha ei barnehøyring, og ho må vere på premissane til barna, fortel kulturminister Trine Skei Grande, som saman med kunnskapsminister Jan Tore Sanner har ansvaret for stortingsmeldinga som kjem til neste år.

Barn og unge skal lyttast til i arbeidet med meldinga. Kulturtanken har, på vegner av departementa, oppdraget med å samle stemmene til barn og unge om kunst og kultur. På Miniøya hadde Kulturtanken med ei veldig stor bok der barna på festivalen kunne teikne, skrive og gi råd om kva politikarane må hugse på når dei skal lage ei kulturmelding for barn og unge.

Festivalsjef Henriette Larsen meiner Miniøya er ein fin arena for å hente innspel frå barn.

- Her får dei ei rekkje opplevingar av musikk, dans, teater, og andre inntrykk heile dagen som dei har med seg når dei set seg ned for å skrive og teikne i innspelsboka, seier Larsen.

Og barna fann roa i Kulturtankens telt. Barn frå to til tretten sat lenge og teikna og skreiv om ting dei er opptekne av, alt frå kunstløp og Harry Potter, til YouTube og Playstation. Nokon ønskte seg lågare aldersgrense på dataspel, og andre ville ha meir teater i skulen.

Overlevering av innspel

Dei to festivalsjefane på Miniøya Amy (11) og Abdullah (12) ønskte dei to ministrane velkommen til den store amfiscena søndag ettermiddag, og Kulturtankens direktør Lin Marie Holvik overleverte boka «Kulturmeldinga til barna» på vegner av alle barna på Miniøya

- Den er så stor for at de ikkje skal miste han av syne i bokhylla, sa Holvik, som måtte ha boka på ei tralle for å få den overlevert.

Trine Skei Grande takka og fortalde at Kulturtanken hjelper med innspel og reiser rundt i heile landet og spør barn og ungdom om kva dei meiner. No har dei vore to dagar her på Miniøya for å snakke med dykk, sa Grande.

- Vi gler oss til å lese og sjå på alt de har skrive og teikna til oss, sa Sanner, som påpeika at det er viktig med kunst og kultur, også i skulen.

- Song, musikk og kultur har ein naturleg plass i skulen, sa Sanner, som hadde notert seg at det i boka òg hadde komme mange ønske om meir musikk, teater og dataspel i skulekvardagen.

Elvira (9), Leonora (8) og Ibrahim (10), er optatt av å leke med venner, av turn, dans og rap. Leonora synes det er dumt hun må stå så lenge på venteliste til turn.

Prosjektleder for BUSK - barn og unges stemmer, kunst og kultur - viser kulturminister Trine Skei Grande hva barna har skrevet og tegnet i boken på Miniøya.

Full konsentrasjon, og ingen nedre aldersgrense for innspill

Mia (12) og Helga (13) har mange innspill til kunnskapsminister Jan Tore Sanner og kulturminister Trine Skei Grande

Backstage: Jan Tore Sanner, Henriette Larsen (Miniøya). Matias Iversen, Lin Marie Holvik og Jo Morten Weider (Kulturtankene) og Trine Skei Grande

Prosjektleder i Kulturtanken, Jo Morten Weider, viser noen eksempler på kunst- og kulturuttrykk i myldretegningen, designet av Sindre Goksøyr